S’ha feito de nuey,

tu m’aguardas ya,

lo peito me brinca

en tornar-te a besar.

Lo nuestro querer

no se crebará,

aunque charren muito

y te fagan plorar,

yo no’n quiero vier

güellos de cristal

mullaos por glarimas

que culpa no han.

Escuita, muller,

dixa de plorar,

yo siempre he estao tuyo,

tú mía has de estar.

Dicen que un querer

ye de dos no más,

y que ye más fázil

fer-lo caminar,

cuando l’uno caye

l’otro ha de bantar,

cuando l’uno caye

l’otro ha a debantar.

S’ha feito de nuey,

tu m’aguardas ya,

lo peito me brinca

te quiero besar.

Jota chesa (en dialecto cheso del aragonés, propio del Valle de Hecho, Huesca), compuesta por José Lera Alsina alrededor de 1980-1981.